Buscar Vídeo:
En galego, agora e sempre Data: 27/11/2010
Vistas: 395
Avaliación: 4.00 En galego, agora e sempre
"EN GALEGO, AGORA E SEMPRE" é un libro que recolle perto de cen mandas testamentarias de variados autores que pretenden servir de exemplo para que se vaia estendendo, entre os sectores da sociedade máis preocupados pola sorte da nosa lingua, a idea de asegurarlle un futuro mellor. A Asociación de Funcionarios para a Normalización Lingüística de Galicia, promotora da idea, quere invitar aos cidadáns a incorporar a lingua galega nos testamentos incluíndo unha cláusula dirixida aos legatarios para que protexan e fomenten no futuro o noso idioma, deste xeito inténtase promover un cambio de actitudes lingüísticas na sociedade, utilizando a posibilidade que ten que as vontades individuais impliquen ao conxunto da poboación. Se ben é certo que os poderes públicos teñen a obriga de protexeren e fomentaren o noso idioma, non é menos certo que no ámbito da actividade privada son os cidadáns os que teñen que asumir responsablemente a vontade de galeguizar as súas propias relacións.
Parladoiro Data: 14/10/2011
Vistas: 721
Avaliación: 5.00 Parladoiro "En galego, agora e sempre"
En Galicia está moi arrizada a cultura da morte. No Día de Defuntos énchense os camposantos de xentes para renderen homenaxe á memoria dos seres queridos. Unha tradición que debería ser dedicada á restitución da cultura e idioma de todos os que nos precederon. Porque se Galicia segue a ter aínda hoxe cultura e lingua de seu, débeselle aos millóns de galegos e galegas que viviron, cantaron, amaron e choraron na nosa lingua. Urxe, xa que logo, restituír a memoria colectiva, e a mellor maneira de facelo é substituindo as lápidas en castelán por outras en galego. O seu legado cultural é merecente de tal homenaxe. A Asociación de Funcionarios para a Normalización Lingüística de Galicia está a promover diversos actos en colaboración con varios concellos galegos para levar adiante este proceso.
IGREXA GALEGA Data: 08/11/2011
Vistas: 595
Avaliación: 5.00 IGREXA GALEGA
Na historia da Igrexa galega hai unha amplísima nómina de cregos comprometidos coa inculturización da fe. É de salientar, na galeguización da liturxia, o papel que tivo na década dos anos sesenta o xesuita Xaime Seixas Subirá. Mais non estivo só nesta tarefa. Non debemos esquecernos dos movementos de cristiáns de base, partidarios desa inculturización da igrexa. Tamén é de xustiza recoñecer o labor realizado por moitos cregos que realizan o seu exercicio pastoral na nosa lingua. Monseñor Luís Quinteiro Fiuza, Bispo da Diocese de Tui-Vigo, é o protagonista deste novo Parladoiro con Xosé González, secretario da Asociación de Funcionarios para a Normalización Lingúística.
EN GALEGO, AGORA E SEMPRE - Garantir o cumprimento das nosas vontades Data: 14/11/2011
Vistas: 625
Avaliación: 4.00 EN GALEGO, AGORA E SEMPRE - Garantir o cumprimento das nosas vontades
Promovida pola Asociación de Funcionarios para a Normalización Lingüística (AFNLG) e o Concello de Pontevedra, celebrouse o pasado día 28 de outubro no Pazo de Mugartegui, outro acto máis que co rubro "En galego,agora e sempre" se viñeron celebrando en Galicia últimamente. Máis de oitenta pontevedreses asinaron a acta notarial de derradeiras vontades para asegurárense de que os actos do seu sepelio se fagan en lingua galega. Don Miguel Anxo Fernández Lores, Alcalde de Pontevedra; don Demetrio Gómez Xunqueira, concelleiro; e don Benito Montero Prego, fiscal da Audiencia Provincial de Pontevedra, que actuou en nome da AFNLG, tiveron senllas intervencións apelando á responsabilidade individual dos galegos e galegas para garantirlle á nosa lingua máis espazos de uso social.
EN BERRES, TAMÉN EN GALEGO Data: 30/10/2011
Vistas: 792
Avaliación: 5.00 EN BERRES, TAMÉN EN GALEGO
Nos eidos nativos dos escritores do Rexurdimento galego, Marcial e Avelina Valladares, celebrouse outro acto máis da campaña "En galego, agora e sempre" programados pola Asociación de Funcionarios para a Normalización Lingüística de Galicia. Nesta ocasión levouse a cabo da man do Concello da Estrada. No cemiterio parroquial de Berres descubríuse unha placa na memoria de todos os que ali están soterrados, e puxéronse outras dúas aos pés dos sartegos dos irmáns Valladares. A participación dos vecinos foi masiva. A música púxoa a Coral Polifónica da parroquia.
En galego, agora e sempre en Macendo Data: 27/11/2011
Vistas: 463
Avaliación: 5.00 En galego, agora e sempre en Macendo
A igrexa da parroquia de Santa Maria de Macendo, no concello ourensá de Castrelo de Miño, foi o escenario elixido pola Asociación de Funcionarios para a Normalización Lingüística para poñer fin ás actividades, que durante todo o mes de santos, se viñeron desenvolvendo en moitos concellos de Galicia para fomentar o uso da lingua galega na liturxia, nas necróloxicas e mesmamente nas lápidas funerarias.
Pola Língua Galega no Dereito Data: 24/09/2011
Vistas: 598
Avaliación: 1.00 Pola Língua Galega no Dereito
Seguindo na liña iniciada hai anos, a Irmandade Xurídica Galega (I.X.U.G.A.) vén convocando a cada pouco en distintos lugares de Galicia, novos encontros de profesionais do Dereito coa finalidade de incorporalos ao proceso de galeguización xurídica. O pasado mes de setembro, en colaboración co concello da Estrada, levouse a cabo un novo acto no que avogados, procuradores, xuíces e funcionarios xudiciais se sumaron a este ambicioso proxecto regaleguizador da Administración de Xustiza. Cada vez son máis os operadores xurídicos que deciden apostar pola normalización da lingua galega na relación cos administradores e usuarios deses servizos profesionais, totalizando a maioría dos que exercen no partido xudicial da Estrada.
Mil festas máis para a lingua galega Data: 09/03/2012
Vistas: 341
Avaliación: 5.00 Mil festas máis para a lingua galega
Nese propósito enmárcase a campaña que en colaboración coa Secretaría Xeral de Política Lingüística levará a cabo a Asociación de Funcionarios e que será presentada na Cidade da Cultura o próximo día 22 de marzo -xoves- ás 18:00 horas do serán. Será un acto público no que tamén se homenaxeará a Prudencio Romo, que fora director musical do mítico Grupo "Os Tamara" quen na década dos 60 chegaron coa súa música, en galego, aos máis altos escenarios europeos chegando incluso a tocar na famosa sala Olympia de París. A súa canción "Galicia, Terra nosa" tivo tal éxito que despois dela a casa de discos non quería máis que cancións en galego.
En galego desde os palcos Data: 22/03/2012
Vistas: 568
Avaliación: 5.00 En galego desde os palcos
A Cidade da cultura de Galicia acolleu a presentación da iniciativa promovida pola Asociación de Funcionarios para a Normalización Lingüística de Galicia "Mil Festas máis para a lingua galega". Esta nova proposta vén continuando o labor emprendido hai ben anos para levar a lingua galega aos ámbitos das festas e do lecer. A proposta é respaldada, unha vez máis, pola Secretaría Xeral de Política Lingüística.
No bico un cantar Data: 13/04/2012
Vistas: 1513
Avaliación: 5.00 No bico un cantar
Co obxecto de dar difusión aos obxectivos das MIL FESTAS MÁIS PARA A LINGUA GALEGA, presentouse a campaña no Pazo de Feiras e Congresos de Lugo diante de máis de tres mil persoas, onde se atopaban representantes de máis de oitocentas comisións de festas, concelleiros de cultura, promotores artísticos e público en xeral, que acudiron para coñecer as novidades presentadas pola empresa LUGONORTE de Espectáculos. A Asociación de Funcionarios para a Normalización Lingüística de Galicia e a Secretaría Xeral de Política Lingüística inciden deste xeito, unha vez máis, nos axentes promotores das festas populares explicándolles o alcance da campaña e invitándoos a se sumaren á mesma.
1 2 3 4 5 ... 7 Siguientes >